"Sabah"ın yeni baş məşqçisi: "Təklif gələndə tərəddüd etmişdim"

Sportarena.az      27 Noyabr 2018, 03:55

"Sabah"ın yeni baş məşqçisi Jelko Sopiç klubun saytına açıqlama verib.

 

Sportarena.az xəbər verir ki, xorvatiyalı mütəxəssis ölkəmiz, kluba keçidi və gələcək hədəfləri barədə danışıb:

 

"Sabah” mənə təklif göndərdiyi zaman bir qədər tərəddüd etmişdim. Çünki son mövsümdə BƏƏ-nin "Əl-Əyn” komandasında köməkçi məşqçi kimi çalışırdım və bu komanda ilə klubun tarixində ilk dəfə ölkə çempionluğunu və kubokunu qazanmışdıq. Növbəti il isə bu klubun U-21 komandası ilə 7 illik fasilədən sonra ilk çempionluğu qazandıq. Ən əsası isə U-21-in 5 futbolçusu əsas komanda ilə müqavilə bağladı.

 

Daha sonra "Sabah”dan təklif gəldi. Azərbaycan barədə çox şey bilmirdim. Ancaq bura gəldikdən sonra qısa müddətdə gördüklərimə əsasən deyə bilərəm ki, bura gözəl və sakit ölkədi. Buranın əhalisi çox yaxşı və mehribandır.

 

"Sabah” gənc klub olmasına baxmayaraq, Azərbaycanın yüksək liqasında mübarizə aparır. Prezidentlə söhbətdən sonra klubun gənc futbolçularla bağlı gələcək planları, həmçinin Premyer Liqadakı hədəfləri məni cəlb etdi. Komanda keçən mövsümü 7-ci pillədə başa vurub. Bizim əsas hədəfimiz daha yaxşı nəticələr əldə etməkdir.  "Sabah” kimi gənc və hədəfləri olan klubda çalışmaq mənim üçün yeni çağırışdır. Klubun inkişafı üçün birlikdə mübarizə aparacağıq. Uğur üçün bütün diqqətimizi yaşıl meydana yönəltməli, gələcək oyunlarımıza köklənməliyik. Ümid edirəm ki, gələcək oyunlarda daha yaxşı nəticələr əldə edər və qələbə sevinci yaşayarıq”.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin