AFFA Bordini cəzalandırdı, "Neftçi"ni cərimələdi

Sportarena.az      4 Dekabr 2018, 13:16

AFFA İntizam Komitəsinin növbəti iclası keçirilib. 

 

Sportarena.az xəbər verir ki, toplantıda Premyer Liqanın XIII turunda qeydə alınmış neqativ hallar müzakirə olunub.

 

"Səbail” – "Neftçi” görüşündə "Səbail”in futbolçusu Eltun Yaqublu ilə "Neftçi”nin meneceri Qədir Həsənov arasındakı mübahisə baş verdiyi üçün hər iki şəxsə xəbərdarlıq olunub. Bu hal yenidən təkrarlanacağı təqdirdə onları cəza gözləyir.

 

Oyun başa çatdıqdan sonra "Neftçi”nin azarkeşləri tərəfindən təhqiramiz ifadələr, qeyri-etik şüarlar səsləndiyinə görə klub 4000 manat cərimə olunub. "Ağ-qaralar”ın baş məşqçisi Roberto Bordin 4-cü sarı vərəqəsini aldığı üçün 1 oyunluq cəzalanıb. Həmçinin qarşılaşmadan sonra meydançaya kənar şəxslər daxil olduğuna görə meydan sahibi klub 1600 manat cərimələnib.

 

Bundan başqa, "Keşlə” – "Sumqayıt” matçında "Sumqayıt”ın 5 futbolçusu sarı vərəqə ilə cəzalandığı üçün klub 800 manat cərimə olunub. "Qəbələ” – "Zirə” oyununda isə "Qəbələ”nin 5 futbolçusu sarı vərəqə ilə cəzalandığı üçün klub 800 manat cərimələnib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin