Mustafa Dənizli “Traktor Sazi”dən getdi

Sportarena.az      7 Dekabr 2019 , 18:30

İranın “Traktor Sazi” klubu baş məşqçi Mustafa Dənizli ilə yollarını ayırıb.

 

Sportarena.az xəbər verir ki, klub Dənizli ilə müqaviləni qarşılıqlı razılıq əsasında pozub. Belə ki, türkiyəli mütəxəssisin istədiyi transferlərin edilməməsi və adaptasiya problemi yaşanması onun klubdan ayrılması səbəbi kimi göstərilsə də, Dənizli açıqlamasında bunu təkzib edib.

 

O, baş məşqçilikdən psixoloji durumu və səhhətindəki problemlər səbəbindən getdiyini bildirib:

 

“İranda zəlzələ olmuşdu. Günlərlə maşında qaldığımız vaxtlar oldu. Xalq də təşviş içində idi. Qorxu hissi psixoloji vəziyyətimə təsir göstərdi. Bu qərarın uğursuzluqla hər hansı əlaqəsi yoxdur. Getmək istədiyimi 1 ay qabaqcadan bildirmişdim və bu gün nəticə oldu”.

 

“Traktor Sazi” sosial şəbəkədə paylaşım edərək “Gülə-gülə Mustafa Dənizli. Çəkdiyin əziyyət üçün təşəkkürlər” yazıb.

 

Qeyd edək ki, M.Dənizli daha əvvəl Türkiyə millisinin, həmçinin Azərbaycanın “Xəzər Lənkəran” klubunun baş məşqçisi olub. O, İranda "Persepolis" və "PAS Tehran" komandalarına da rəhbərlik edib. Dənizli bu ilin iyununda “Traktor Sazi”yə baş məşqçi təyin olunmuşdu.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin