“Qarabağ”ın ispanı üçün yubiley oyunu

11:13 9 Dekabr 2019

Azərbaycan Premyer Liqasının XIV turu “Qarabağ”ın futbolçusu Miçel üçün əlamətdar olub.

 

Sportarena.az xəbər verir ki, ispaniyalı yarımmüdafiəçi Azərbaycan çempionatlarında 100-cü oyununu keçirib. Bu yubiley “Keşlə” ilə ev matçına (2:2) təsadüf edib.


Premyer Liqada 2015/16 mövsümündə debüt edən Miçel indiyədək keçirdiyi 100 qarşılaşmada 16 qol vurub. Ölkəmizdə yalnız bir klubda çıxış edən yarımmüdafiəçi cari mövsümdən başqa hər çempionatda qol vurub: 2015/16 – 24 oyun (4 qol), 2016/17 – 25 oyun (4 qol), 2017/18 – 23 oyun (3 qol), 2018/19 – 19 oyun (5 qol), 2019/20 – 9 oyun.


Digər xəbərlər

Xəbər xətti