"Qəbələ" ilk yoxlama matçında məğlub oldu - YENİLƏNİB + VİDEO

Sportarena.az      14 Yanvar 2020 , 21:00

Mövsümün ikinci yarısının hazırlıqlarını Türkiyədə davam etdirən “Qəbələ” sabah toplanış çərçivəsində ilk oyununu keçirib.

 

Sportarena.az xəbər verir ki, “qırmızı-qaralar” yoxlama görüşündə Macarıstanın MTK klubu ilə qarşılaşıb. Budapeşt təmsilçisi ilə görüş “Karvansaray” otelinin meydançalarında baş tutub. Qarşılaşma Bakı vaxtı ilə 17:00-da başlayıb.

 

Komandalar ötən qışda da yoxlama oyununda üz-üzə gəlib. Antalyada baş tutan həmin matçda “qırmızı-qaralar” 3:2 hesablı qələbə qazanıblar. “Qəbələ”nin qollarına Cavid Hüseynov, Lalavele Atakora və Sabien Lilay imza atıb. Rəqiblər UEFA Avropa Liqasının 2016-2017-ci illər mövsümündə II təsnifat mərhələsində də qarşılaşıb. Hər iki görüşdə qalib gələn “qırmızı-qaralar” mərhələ adlayıb - 2:1, 2:0.

 

132 yaşı olan Budapeşt təmsilçisinin əsası 1888-ci ildə qoyulub. Paytaxt klubu 23 dəfə Macarıstan çempionu olub, 12 dəfə ölkə kubokunu, 2 dəfə Superkuboku başı üzərinə qaldırıb. MTK 1963-1964-cü illər mövsümünün UEFA Kuboklar Kubokunun finalçısı olub. Ötən mövsümü uğursuz keçirən komanda yüksək dəstədə 11-ci yeri tutaraq 2-ci liqaya yuvarlanıb. Cari çempionatın 20 matçında 46 xal toplayan MTK qış fasiləsinə yarışın lideri kimi yollanıb.

 

“Qəbələ” Antalyada daha üç yoxlama oyununda qüvvəsini sınayacaq. Komanda yanvarın 18-də Rusiyanın “Çayka”, 22-də Bolqarıstanın “Etar”, 25-də bu ölkənin digər təmsilçisi “Dunav” ilə qarşılaşacaq.

 

 

Yoxlama oyunu

14 yanvar

17:00. “Qəbələ” – MTK (Macarıstan)  0-3

“Karvansaray” otelınin meydancası

 

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin