Azərbaycan millisi AÇ-nin final mərhələsinə qatılacaq

Sportarena.az      14 Yanvar 2018, 09:45

Avropa Voleybol Konfederasiyası 2021-ci ildə qadınlar və kişilər arasında keçiriləcək Avropa çempionatının final mərhələsində iştirak edəcək komandaların adlarını açıqlayıb.

 

Sportarena.az xəbər verir ki, siyahıda Azərbaycan millisi də yer alıb.

 

Hər iki yarışda 12 komanda mübarizə aparacaq. Qadınlardan ibarət Azərbaycan yığması da final mərhələsinə birbaşa qatılmaq hüququna yiyələnib. Doğrudur, komandamız son Avropa çempionatını 10-cu yerdə bitirib. Ancaq millimizi qabaqlayan 9 ölkədən 2-si ev sahibləri arasında olduğundan, voleybolçularımız yarışda iştirak hüququ qazanan 8 komanda sırasına düşüb.

 

Qadınların çempionatında Serbiya, Bolqarıstan, Xorvatiya, Rumuniya (ev sahibləri), Türkiyə, İtaliya, Polşa, Niderland, Almaniya, Rusiya, Belçika və Azərbaycan mübarizə aparacaq.

 

Kişilərin yarışına isə Polşa, Çexiya, Finlandiya, Estoniya (ev sahibləri), Serbiya, Sloveniya, Fransa, Rusiya, İtaliya, Ukrayna, Almaniya və Belçika qatılacaq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
"Qarabağ" Avropa Liqasının qrupunda neçənci yeri tutacaq?
 1-ci
 2-ci
 3-cü
 4-cü
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin