Millimiz Karate1 Premyer Liqa turnirinə qatılacaq

Sportarena.az      14 Fevral 2018, 10:10

Azərbaycan milli komandası 14-16 fevral tarixlərində Birləşmiş Ərəb Əmirliklərinin Dubay şəhərində Karate1 Premyer Liqa turnirində iştirak edəcək.

 

Sportarena.az xəbər verir ki, mövsümün 2-ci mərhələsinə Azərbaycan Milli Karate Federasiyasının prezidenti Yaşar Bəşirovun rəhbərliyi ilə 14 idmançı yollanıb.

 

Baş məşqçi Bahəddin Kandaz, böyük məşçqilər Şahin Xudaverdiyev və Rəşad Hüseynov turnirdə kumiteçilərdən Firdovsi Fərzəliyevi (-60 kq), Rafiz Həsənovu və Tural Ağalarzadəni (-67 kq), Rafael Ağayevi (-75 kq), Ayxan Mamayevi, Pənah Abdullayevi və Turqut Həsənovu (-84 kq), eləcə də Nuranə Əliyevanı (-50 kq), İlahə Qasımovanı (-55 kq), İrina Zaretskanı (-68 kq) və Fəridə Əliyevanı (+68 kq) müşayiət edəcək.

 

Kata üzrə baş məşqçi Vahid Ayvazov isə yalnız Roman Heydərov çıxışına üstünlük verib. Dubay Premyer Liqasını idarə edən referilər arasında beynəlxalq hakimlərimiz Cahangir Babayev və Vüqar Kərimov da olacaq. Nüfuzlu yarışda 85 ölkədən 571 karateçi yarışacaq.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin