"Araz" ilk oyunda məğlub oldu

Sportarena.az      12 Mart 2018, 14:40

Futzal üzrə Azərbaycan kubokunun 1/8 final mərhələsinin oyunlarına start verilib.

 

Sportarena.az xəbər verir ki, “Red Line”nin rəqibi “Premier” komandası oyuna gəlmədiyinə görə, ilk matç baş tutmayıb. Günün ikinci oyununda isə kubokun 2 il əvvəlki sahibi “Marafon” fasiləyə qədər 4 cavabsız top vurub. Fasilədən sonra daha 2 top vuran Yüksək Liqa təmsilçisi cavab oyununu bir növ formallığa çevirib.

 

Gözlənilməz nəticə isə “Araz” – “Baker Tilly” görüşündə qeydə alındı. Son çempion ardıcıl 2 qol vursa da, rəqibin 4 dəfə Kamranı məğlub etməsinin qarşısını ala bilmədi. Yeri gəlmişkən, birinci hissənin sonuna yaxın Kamran zədələndiyindən, “Araz” oyunu sona qədər 5 meydan oyunçusu ilə keçirdi. Ramiz Çovdarov həm də qapıçı funksiyasını yerinə yetirməli oldu. Son dəqiqədə Çovdarov 2 qol vursa da, komandasını məğlubiyyətdən qurtara bilmədi.

 

Günün son oyununda eyni liqanın təmsilçiləri üz-üzə gəldi. Qarşılıqlı hücumlarla müşayət olan matçda hesabı nominal qonaqlar açsa da, üstünlük cəmi 16 saniyə çəkib. Nurəli hesaba tarazlıq gətirdikdən sonra bir də hissənin sonuncu dəqiqəsində fərqləndi. İkinci hissənin startında dubl edən Ramazan Abbasov komandasını hesabda önə keçirdi. Yeri gəlmişkən, bütün oyunlar azarkeşsiz keçirildi.

 

 

Marafon – Atletiko Baku - 6:0

Qollar: Farid Mazaherichorası, 01:02, 36:18, Shahab Shahnazian, 03:35, Majid Khazaei, 08:50, Elşən  İbrahimxəlilov, 14:46, 24:27

 

Araz – Baker Tilly - 6:7

Qollar: Sunay  Həsənov, 08:33, Qurban  Qurbanov, 09:44, 21:52, 31:51, Ramiz Çovdarov, 37:41, 38:10 // Yadulla Əmirəliyev, 09:56, Emil Məmmədov, 11:47, 12:13, 32:30, Rüstəm Bagirzadə, 18:06, 29:20, Turxan Quliyev, 27:45          

 

Advokat – Star kargo-2  - 3:5

Qollar: Nurəli Əsədov, 17:33, 19:44, Ceyhun Əhmədov, 27:25 // Adəm Agabaliyev, 17:17, 32:19, Ramazan Abbasov, 20:21, 21:30, Turan Babayev, 27:05

 

Kubokun iki oyunu bu gün “Olimpik Star”da keçiriləcək. Neftçi – Badamlı və Nəqşicahan – Baku Fans oyunları qeyri-müəyyən vaxta təxirə salınıb.

 

19:45 EKOL – Standard

21:15 Hövsan – Yurd MFK.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin