Azərbaycan Formula 1-dən imtina edir

Sportarena.az      22 Mart 2018, 16:58

Azərbaycan "Formula 1"dən imtina edir.

 

Sportarena.az "Motosport"a istinadə xəbər verir ki, "Formula 1" rəhbərliyinin iştirakı ilə telefon vasitəsi ilə olan konfransında Azərbaycanın Qran-prinin keçirilməsindən imtina etməyə üstünlük verdiyi bildirilib.

 

Turnirin mart, aprel və may mərhələlərin ləğvi şəraitində  bu mövsüm ilk dəfə "Formula 1" Bakıda  keçirilməli idi. Ancaq Azərbaycan Qran-prisinin promouterləri koronavirusla bağlı öz narahatlıqlarını ifadə ediblər. Bildirilib ki, bu, "Formula-1"in təşkilatçıları üçün daha bir zərbə və ciddi maliyyə itkisi ola bilər. Çünki Bakıda yarış üçün ən yüksək qiymətlərdən birini ödəyir.

 

Azərbaycan iyunda keçirilməsi nəzərdə tutulan "Formula 1"dən imtina etmək istəyini şəhər magistral yolunun hazırlanmasına apreldə başlamalı olması ilə izah edib. Bu prosesin bahalı olduğu və yarış koronavirus səbəbindən ləğv olunacağı təqdirdə, pulun boşa çıxacağı vurğulanıb.Azərbaycan Qran-prisi 5 -7 iyunda təşkil olunmalıdır.

 

Qeyd edək ki, "Formula 1" rəhbərliyi daha əvvəl Avstraliyadakı yarışı ləğv edib, Çin Qran-prisini isə təxirə salıb. Mövsümün ilk yarışı olan Avstraliya Qran-prisinin 13-15 martda Melburn şəhərində keçirilməsi planlaşdırılırdı.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin