Şəhriyar Məmmədyarov FIDE reytinqində ilk “10-luq”dakı yerini itirdi

Sportarena.az      31 Mart 2020 , 20:21

FIDE şahmatçıların aprel reytinqini açıqlayıb.

 

Sportarena.az xəbər verir ki, martda baş tutan oyunların da nəzərə alındığı siyahıda Azərbaycanın səkkiz şahmatçısı yer alıb.Onlardan beşi kişi qrossmeysterdir. Təmsilçilərimizdən yalnız Teymur Rəcəbov ilk "onluq”da qalıb. Millimizin üzvlərindən ən yaxşı göstəricinin sahibi olan şahmatçımız 2765 xalla 9-cu pillədə yer tutub.

 

Şəhriyar Məmmədyarov isə ilk "onluq”dakı yerini itirib. Qrossmeysterimiz 2764 xalla 11-cidir. 1 pillə geriləyən şahmatçı İddiaçılar turnirinin iştirakçısı, niderlandlı Aniş Girini önə buraxıb.

 

Digər üç təmsilçimiz də Teymur kimi mövqeyini qoruyub. Qədir Hüseynov 2665 xalla 72-ci, Nicat Abasov 2664 xalla 74-cü, Rauf Məmmədov 2654 xalla planetin 91-cisidir.

 

Bu siyahıda ilk "üçlük” də dəyişməyib. Maqnus Karlsen (Norveç, 2863) birinci, Fabiano Karuana (ABŞ, 2835) ikinci, Dinq Liren (Çin, 2791) üçüncüdür.

 

Qadın şahmatçıların reytinqində isə üç həmyerlimiz yer alıb. Yığmamızın üzvlərindən iki pillə irəliləyən Günay Məmmədzadə (2443) 29-cudur. Gülnar Məmmədova (2382) 77-ci sırada qalıb. İlk "100-lük”də yerini itirən Ülviyyə Fətəliyevanı digər təmsilçimiz - Xanım Balacayeva əvəz edib. O, 2376 xalla 86-cıdır.

 

Qadın zəka sahiblərinin cədvəlində Yifan Hou (Çin, 2658) birinci, Humpi Koneru (Hindistan, 2586) ikinci, Aleksandra Qoryaçkina (Rusiya, 2582) üçüncüdür. (Apasport.az)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin