ABŞ-ın Qadın Milli Basketbol Assosiasiyasının (WNBA) “Çikaqo Skay” klubunun basketbolçusu Stefani Dolson koronavirusa yoluxub.
Sportarena.az xəbər verir ki, o, Çikaqoda koronavirusa yoluxan ilk peşəkar qadın idmançıdır. Dolsonun sözlərinə görə, o və onun ailəsi koronavirus testlərinin pozitiv nəticələrini bir ay əvvəl alıblar.
“Bu virus evimizə çox yaxın gəldi. Anam, təxminən, dörd gün xəstəxanada idi. Onda ağır simptomlar, pnevmoniya var idi. Tibb işçiləri komandasının sayəsində o, indi evdə təhlükəsizlikdədir və sağlamdır”, - “TSN” idmançının sözlərini sitat gətirir.
“Çikaqo Skay”ın sahibi Maykl Alter deyib ki, Dolsonun xəstəliyi ciddi simptomlarsız keçir.