"Vaqner çox güman, "Qarabağ"dan gedəcək" - AÇIQLAMA

Sportarena.az      4 May 2018, 18:54

"Vaqner da Silva "Qarabağ"dan gedərsə, bundan mənə müsbət bir şey olmayacağı dəqiqdir. Çünki artıq bir-birimizə öyrəşmişik, yaxşı anlaşmamız var. Hər il komandaya yeni qapıçı gələndə mənə müsbət təsiri olur. Vanqer komandamızdan ayrılası olarsa, yəqin, onun yerinə hansısa yeni əcnəbi qapıçı gələcək".
 
 

Sportarena.az xəbər verir ki, bu fikirləri Sport24.az-a açıqlamasında "Qarabağ"ın qapıçısı Şahrudin Məhəmmədəliyev bildirib.

 

Millimizin də üzvü olan 26 yaşlı qolkiperin əsas heyətdən sıxışdırıb çıxardığı Vaqner da Silva Kiprdən təklif alıb. Ağdam təmsilçisinə avrokuboklarda cari mövümdən yaxşı tanış olan APOEL, habelə "Apollon" 34 yaşlı əlcək sahibinin xidmətində maraqlıdır. Şahrudinin sözlərinə görə, braziliyalı həmkarıyla mümkün gedişi haqda aralarında söhbət olub: "Vaqner insan kimi də yaxşıdı, onu insan kimi də itirmək istəmirsən. Getsə, bundan mənə faydalı bir şey olmayacaq. Bəli, onunla gələcək taleyi ilə bağlı söhbətim olub. Vaqnerin müqaviləsi cari mövsümün bitir. Çox güman ki, gedəcək. Mənə dedi ki, karyerasında nəsə dəyişiklik etmək istəyir. Görünür, artıq yeni klubda oynamaq fikrindədir".

 

Xatırladaq ki, bu mövsüm daxili yarışlarda meydana çıxmayan Vaqner APOEL-lə Çempionlar Liqasının 3-cü təsnifat mərhələsi matçlarında (səfərdə 2:1, evdə 0:2) çıxış edib.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin