“Qalatasaray”ın məşqçisi Hasan Şaş klubdan ayrıldığını açıqlayıb.
Sportarena.az xəbər verir ki, baş məşqçi Fatih Terimin köməkçisi sosial hesabında bu barədə məlumat yayıb.
Türkiyə millisinin sabiq üzvü azarkeşlərə təşəkkür edib: "Bu gün çox sevdiyim "Qalatasaray"dan öz istəyimlə ayrıldım. Ən pis günlərdə mənə dəstək olan azarkeşlərə minnətdaram".
43 yaşlı mütəxəssis 2018-ci ildən "sarı-qırmızılar"da çalışırdı. O, 1998-2009-cu illərdə "Qalatasaray"da oynayıb.