Maykl Essyen karyerasını "Səbail"də bitirəcək

Sportarena.az      28 May 2020 , 04:15

"Səbail" klubunun futbolçusu Maykl Essyen karyerasını bitirməyə hazırlaşır.

 

 

Sportarena.az xəbər verir ki, bu barədə Qana mətbuatı məlumat yayıb.Afrikalı yarımmüdafiəçi futbolla Bakı klubunda vidalaşacaq.

 

İddiaya görə, yaşının çox olması onu bu qərarı verməyə məcbur edir: "Essyen "Səbail"də oynamaqla, görünür, həm də futboldan sonrakı həyata hazırlaşır. Çünki o, U-19 komandasında baş məşqçinin köməkçisi işləməklə üzərinə məsuliyyət götürüb".

 

Məlumatda bildirilib ki, bu yay "dənizçilər"lə müqaviləsi başa çatacaq 38 yaşlı oyunçu mövsüm ləğv olunacağı halda, futboldan gedəcək: "Amma Premyer Liqa bərpa olunsa, Essyen mövsümü başa vurub sonra vidalaşacaq".

 

Qanalı futbolçunun karyerasını ölkəsinin "Liberty Professionals" klubunda başa vura biləcəyi də istisna olunmur. Lakin bununla bağlı heç bir tutarlı əsas yoxdur: "Onun özü də gələcəyi barədə dəqiq məlumat vermir", - məlumatda bildirilib.

 

Qeyd edək ki, 2019-cu ilin martından "Səbail"də çıxış edən Maykl Essyen karyerası ərzində "Çelsi" (İngiltərə), "Real Madrid" (İspaniya) və "Milan" (İtaliya) kimi Avropa nəhənglərinin formasını geyinib.(Report.az)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin