“Real” və “Yuventus” Çempionlar Liqası ilə vidalaşdı

Sportarena.az      8 Avqust 2020 , 01:00

Koronavirus pandemiyasına görə martdan dayandırılan Çempionlar Liqası bərpa olunub.

 

Sportarena.az xəbər verir ki, 1/8 final mərhələsinin cavab oyunları çərçivəsində bu gün iki qarşılaşma keçirilib.İlk matçda səfərdə Lion “Olimpik”inə minimal hesabla məğlub olan “Yuventus”, bu dəfə rəqibini Turində qəbul edib. Üç qolun qeydə alındığı matç turinlilərin qələbəsiylə yekunlaşıb. Amma ümumi hesab bərabər olduğundan, Fransa təmsilçisi səfər qolu sayəsində mərhələ adlayan tərəf olub.

 

Günün digər matçı isə İngiltərədə keçirilib. “Mançester Siti” doğma meydanda Madrid “Real”ını qəbul edib. Komandalar arasında İspaniyada baş tutan görüşdə “şəhərlilər” 2:1 hesablı qələbə qazanmışdı. Elə bu oyunda da britaniyalılar eyni hesabla üstün olublar və növbəti mərhələyə yüksəliblər.

 

Çempionlar Liqasının 1/8 final mərhələsinin digər oyunları bu gün keçiriləcək.Daha əvvəl “Atletiko” (İspaniya), “Leyptsiq” (Almaniya), “Atalanta” (İtaliya) və PSJ (Fransa) klubları 1/4 final mərhələsinə yüksəlib.

 

Çempionlar Liqası
1/8 finalın cavab oyunları

 

Yuventus (İtaliya) – Olimpik (Lion, Fransa) 2:1

Qol: Ronaldo, 43-pen; 60 – Depay, 12-pen.
İlk oyun – 0:1

Mançester Siti (İngiltərə) – Real (İspaniya) 2:1
Qol: Sterlinq, 9. Q.Xesus, 68 – Benzema, 28.
İlk oyun – 2:1

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin