"Sileks"in püşkdə bəxti gətirmədi" - “Qarabağ”ın sabiq futbolçusu

Sportarena.az      10 Avqust 2020 , 11:08

“Sileks”in püşkdə bəxti gətirmədi. Üstəlik, bir matç olacaq, bu oyun da Azərbaycanda keçiriləcək”.

 

Sportarena.az xəbər verir ki, bunu “Qarabağ”ın sabiq futbolçusu Muarem Muarem deyib.Şimali makedoniyalı sabiq komandasının Çempionlar Liqasının I təsnifat mərhələsində “Sileks”lə rəqib olmasını dəyərləndirib:

 

“Qarabağ” ölkəsində ən yaxşı, ən böyük klubdur. Mən orada oynamışam, nə olduğunu bilirəm. Xüsusilə baş məşqçi Qurban Qurbanov diqqət çəkir ki, on ildən çoxdur “Qarabağ”ın strateqidir. Əlbəttə, bu, nədənsə xəbər verir. Q.Qurbanov 4-3-3 sxeminə güvənir və nadir hallarda uduzur.

 

“Qarabağ” daim Avropa Liqasının, bir dəfə Çempionlar Liqasının qrupunda oynayıb. Obyektiv olsam, “Qarabağ” şübhəsiz favoritdir. Amma futbolda öncədən heç nə məlum deyil. Top yumrudur və Kratovo təmsilçisini şanslardan məhrum etməyək. Amma “Sileks”in bəxtinin gətirmədiyini deyərdim”.

 

“Sileks” rəqibin hücum xəttindəki ispaniyalı Romerodan da, gənc Emrelidən də ehtiyatlı olmalıdır. Bu komanda Uroş Matiçi gətirib. Kolumbiyadan da Kevin Medinanı alıblar. Dəhşətli oyunçudur. “Qarabağ”ın bəxti onda gətirməyib ki, uzun koronavirus pandemiyası ilə bağlı karantin üzündən keyfiyyətli hazırlıq keçə bilməyib.

 

Kifayət qədər klassik yoxlama oyunu olmayıb. Amma Q.Qurbanov bunu necə kompensasiya etməyi bilir. 3-4 ildir o klubda olmasam da, oradakılarla telefonla danışıram. Mənim əvvəl komanda yoldaşım olan futbolçular arasında çox sayda dostum var. Bir daha deyim ki, “Qarabağ” böyük klubdur və “Sileks”in püşkdə bəxti gətirməyib”.

 

Qeyd edək ki, türk əsilli Muarem Muarem 2012-2015 və 2016-2017-ci illərdə “Qarabağ”da oynayıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin