"Qarabağ" "Sampdoriya"nın qapıçısını transfer edir

Sportarena.az      12 Avqust 2020 , 02:24

"Qarabağ" İtaliyanın "Sampdoriya" klubunun qapıçısı Vid Beletsi transfer etməyə hazırlaşır.

 

Sportarena.az xəbər verir ki, Ağdam təmsilçisi sloveniyalı qapıçını almaq istəyən klublardan biridir. Klublar razılığa gəlsə, 30 yaşlı qapıçı karyerasını Azərbaycan çempionunda davam etdirəcək.

 

Sloveniyalı əlcək sahibi ötən mövsümü icarə əsasında Kiprin APOEL klubunda keçirib. O, Nikosiya klubunun heyətində Çempionlar Liqası və Avropa Liqasındakı oyunlarda "Qarabağ"a qarşı oynayıb. Belets ötən mövsüm keçirdiyi 34 oyunda 31 top buraxıb, 16 qarşılaşmada isə qapısını toxunulmaz saxlayıb.

 

"Maribor"un yetirməsi 2010-cu ildə "İnter"ə keçib. Milan təmsilçisində 5 il ərzində rəsmi oyun keçirməyən qapıçı "Krotone", "Olhanense" və "Konyaspor" klublarına icarəyə verilib. Belets İtaliyanın "Karpi" və "Benevento" klublarının da formasını geyinib. 2018-ci ildə "Sampdoriya"ya keçən qapıçının genuyalılarla sözləşməsi 2021-ci il iyunun 30-da bitəcək. (sportal)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin