Kipr yığmasının futbolçusu Pieros Sotiryu UEFA Millətlər Liqasının 4-cü turunda millimizlə oyun öncəsi keçirilən mətbuat konfransında fikirlərini bildirib.
Sportarena.az xəbər verir ki, 27 yaşlı hücumçu görüşün çətin keçəcəyini deyib:
"Məyus olmaq üçün vaxt yoxdur. Sabahkı matç hər mənada çətin olacaq. Komanda olaraq daha çalışmalıyıq.Başımızı qaldırmalı və sabahkı görüşdə əlimizdən gələni etməliyik".
Qeyd edək ki, oktyabrın 13-də Albaniyanın Elbasan şəhər stadionunda keçiriləcək Azərbaycan - Kipr görüşü Bakı vaxtı ilə saat 20:00-da başlayacaq.