Qara Qarayev: “Özü də qeyd etdi ki, futbolu ona “Qarabağ” sevdirdi” - VİDEO

Sportarena.az      30 Noyabr 2020 , 14:23

“27 ildir gedə bilmədiyimiz yolu 10 dəqiqəyə getdik”.

 

Sportarena.az xəbər verir ki, bu sözləri “Qarabağ”ın və Azərbaycan yığmasının futbolçusu Qara Qarayev AZTV-nin səhər proqramında qonaq olarkən bildirib. Q.Qarayev Ağdam səfərindən, oradakı təəssüratlarından danışıb:

 

“Ayağımı ilk torpağa basanda hiss etdim ki, nə qədər dağıdılsa da, Vətən tikililəri ilə, bər-bəzəkləri ilə Vətən olmur, torpağı ilə Vətən olur. Önəmli olan torpağımızın işğaldan azad olunmasıdır. Canı-qanı bahasına vuruşan əsgərlərimizə təşəkkür etməyi özümə borc bilirəm, şəhidlərimizə Allahdan rəhmət diləyirəm. Ağdam Cümə Məscidində namaz qıldıq, sonra Milli Qəhrəman Allahverdi Bağırovun məzarını ziyarət etdik. İnanıram ki, bundan sonra “Qarabağ” öz ev oyunlarını doğma məkanda, Ağdamda keçirəcək”.

 

Q.Qarayev Ağdamda Azərbaycan Respublikası Prezidentinin köməkçisi, Prezident Administrasiyasının Xarici siyasət məsələləri şöbəsinin müdiri Hikmət Hacıyevlə oynadıqları simvolik matçdan da danışıb:

 

“Stadiona ayaq basanda ilk hücum Hikmət Hacıyevdən gəldi. Bizdən soruşdu ki, “top gətirməmisiz? Təbii ki, biz topsuz getməzdik. “İmarət”də ilk olaraq onunla futbol oynadıq. Hikmət müəllimin bu istəyi məni yaxşı mənada çox təəccübləndirdi. Özü də qeyd etdi ki, futbolu ona “Qarabağ” sevdirdi”. 

 

Ətraflı süjeti təqdim edirik:

 

 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin