PFL ilin yekunlarına dair videokonfransda iştirak etdi

Sportarena.az      14 Dekabr 2020 , 18:53

Peşəkar Futbol Liqası (PFL) Avropanın bir çox ölkələrinin əsas futbol liqaları təşkilatlarının üzvü olduğu Avropa Peşəkar Futbol Liqalarının cari ilin yekununa dair umumi assambleyasının videokonfrans formatlı iclasında iştirak edib.

 

Sportarena.az PFL-in saytına istinadən xəbər verir ki, Avropanın "böyük beşlik" liqalarının da yer aldığı təşkilat milli çempionatlar arasında koordinasiyanın təşkil olunması, oyunların keçirilməsinin inkişafı və peşəkarlığın qazanılması baxımından önəmli bir mərkəzdir. Hər il ənənəvi olaraq 2 dəfə əsasən üzv ölkələrdən birində keçirilən sözügedən iclas bu il COVID-19 pandemiyası səbəbi ilə onlayn formatda baş tutub.

 

İclasa başçılığı qurumun hazırkı prezidenti Lars-Krister Ollson edib. Gündəlikdə duran əsas məsələlərin müzakirəsi zamanı UEFA klub yarışlarının gələcəyi, həmçinin, pandemiya dövründə oyunların düzgün təşkil edilməsi üçün təşkilat çərçivəsində üzv liqalar arasında fikir və təcrübə mübadiləsinin bundan sonra da aparılmasının önəmli olduğu vurğulanıb.

 

PFL futbolun gələcəyi üçün həmrəyliyin vacibliyini, qurumla və digər üzv liqalarla əməkdaşlığın klub futbolunun inkişafına töhfə verdiyini iclas iştirakçılarının diqqətinə çatdırıb və pandemiya ilə bağlı təcrübəsini bölüşüb.

 

Məlumat üçün bildirək ki, Peşəkar Futbol Liqası üzv olaraq təşkilatın işçi qruplarında və aylıq iclaslarında iştiraka bundan sonra da davam edəcək.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin