"Keşlə"dən ayrılan futbolçu: "Maaşı soruşanda, ancaq "gözləyin" deyirdilər"

Sportarena.az      22 Dekabr 2020 , 16:06

"Klubda maliyyə vəziyyəti yaxşı deyildi. 3 aydır maaş verilmirdi".

 

Sportarena.az xəbər verir ki, bunu "Report"a açıqlamasında ötən ay "Keşlə"dən ayrılmış futbolçu Artur Batista deyib.Komandadan gedişinin səbəbi barədə danışan braziliyalı müdafiəçi bunun məvaciblə bağlı olduğunu bildirib: "Klubun mənə borcu var idi. Son 3 ayın maaşı ödənilməyib. Pulla bağlı sual verəndə ancaq "gözləyin" deyirdilər. Bu isə düzgün hərəkət deyil. Mən legioner oyunçuyam, maaş gecikəndə istər-istəməz problem olur".

 

24 yaşlı futbolçu məşqlərə istəksiz çıxdığını söyləyib: "Bu amil oyunuma da təsir edirdi. Özümü yaxşı tərəfdən göstərə bilmirdim. Ona görə də klub rəhbərliyinə getmək istədiyimi bildirdim. Nəticədə müqaviləyə xitam verildi".

 

Qeyd edək ki, Artur Batista ilə yanaşı, onun həmyerlisi Alvaro Tavares və özbəkistanlı yarımmüdafiəçi Şaxruh Qadoyev də "Keşlə"ni eyni səbəbdən tərk edib. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin