"Qarabağ"ın futbolçusu: "Koronavirusun bütün simptomları məndə var idi"

Sportarena.az      23 Dekabr 2020 , 16:14

"Artıq bir həftəyə yaxındır ki, Bakıdayam. Son testim mənfi oldu və dekabrın 17-si İstanbuldan qayıtdım".

 

Sportarena.az xəbər verir ki, bu fikirləri "Report"a açıqlamasında "Qarabağ"ın futbolçusu Abbas Hüseynov deyib.Koronavirusdan sağalan 25 yaşlı müdafiəçi xəstəliyin ilk günlərində özünü yaxşı hiss etmədiyini bildirib: "Dekabrın 1-də Türkiyədə test vermişdim. Harada və necə yoluxduğumu bilmirəm. Sadəcə ilk günlər bədənimdə və belimdə ağrılar hiss edirdim, temperaturum qalxmışdı. Demək olar ki, koronavirusla bağlı bütün simptomlar məndə var idi. Amma indi sağalmışam və özümü yaxşı hiss edirəm".

 

Hüseynov hələ ki fərdi şəkildə məşqlər etdiyini və sabah Premyer Liqanın XIII turunda "Zirə" ilə matçda oynaya bilməyəcəyini söyləyib.

 

Qeyd edək ki, Abbas Hüseynovun testi dekabrın 2-də Avropa Liqasının qrup mərhələsinin V turunda İsrailin "Makkabi" (Tel-Əviv) komandası ilə oyundan öncə müsbət olub. Müdafiəçi qarşılaşmadan əvvəl zədə ilə bağlı Türkiyədə reabilitasiya keçirdi. İstanbul şəhərindəki "Başakşəhər Fatih Terim” stadionunda baş tutan "Qarabağ" - "Makkabi" görüşü 1:1 hesabı ilə yekunlaşıb. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin