DİN-in sorğusuna cavab verməyən “Neftçi” cəzalandırıldı

Sportarena.az      30 Dekabr 2020 , 13:34

“Neftçi Peşəkar Futbol Klubu” Məhdud Məsuliyyətli Cəmiyyəti Daxili İşlər Nazirliyinin rəsmi sorğusuna cavab vermədiyi üçün cərimələnib.

 

“Qafqazinfo”nun verdiyi xəbərə görə, “Neftçi”yə məxsus avtomobili idarə edən şəxs yol hərəkəti qaydalarını pozaraq inzibati xətaya yol verib. Bu xəta təhlükəsiz şəhər kamerası ilə qeydə alınıb.

 

DİN həmin cəzanın sürücüyə tətbiq edilməsi üçün xətanın qeydə alındığı zaman avtomobili idarə edən şəxs haqda məlumat verməsi ilə bağlı “Neftçi” klubuna rəsmi sorğu göndərib. Lakin klub nazirliyin bu sorğusuna cavab verməyib.

 

Bundan sonra, Xətai Rayon Polis İdarəsi “Neftçi Peşəkar Futbol Klubu” MMC-nin İnzibati Xətalar Məcəlləsinin 347-ci maddəsi ilə cərimə olunması haqda protokol tərtib edib.

 

Xətai rayon məhkəməsi protokola baxaraq klubu təqsirli bilib və 300 manat cərimələyib. Futbol klubu bu qərarla razılaşmayaraq, apellyasiya şikayəti verib. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin