“Qarabağ” daha bir legionerinin xidmətindən məhrum oldu

Sportarena.az      21 Yanvar 2021 , 17:45

"Qarabağ" komandası Azərbaycan Premyer Liqasının XIV turunda "Sabah"la keçirəcəyi matça iki futbolçu itkisi ilə çıxacaq.

 

Sportarena.az xəbər verir ki, Filip Ozobiç və Kevin Medina bugünkü görüşü buraxacaq.Ozobiç zədə səbəbindən komandaya kömək edə bilməyəcək. 30 yaşlı yarımmüdafiəçinin zadəsinin nə qədər ciddi olduğu hələlik bəlli deyil.

 

Medina isə cəzalı olduğu üçün matçın iştirak ərizəsinə daxil edilməyəcək. 28 yaşlı kolumbiyalı müdafiəçi XIII turda "Zirə"ni 3:2 hesabı ilə məğlub etdikləri görüşdə qırmızı vərəqə alıb. AFFA İntizam Komitəsi ona iki oyunluq cəza verib.

 

"Sabah" komandasında isə zədələrini yenicə sağaltmalarına rəğmən, hələ kollektiv məşqlərə qatılmayan qapıçı Saşa Stamenkoviç və müdafiəçi Bəhlul Mustafazadənin meydana çıxmayacaqları dəqiqdir.

 

Qeyd edək ki, bu gün "Bank Respublika Arena"da keçiriləcək "Sabah" - "Qarabağ" matçı saat 18:00-da başlayacaq. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin