Rəşad Sadıqov: "Bizi yarımfinalda çətin mübarizə gözləyir"

Sportarena.az      8 Fevral 2021 , 00:11

"Futbolçularımı ürəkdən təbrik edirəm. Kubok oyunları bir az fərqli keçir. Bu oyunlarda komandalar daha çox nəticə üçün oynayır".

 

Sportarena.az xəbər verir ki, bu sözləri "Zirə"nin baş məşqçisi Rəşad Sadıqov "Neftçi" ilə evdə qolsuz heç-heçə etdikləri Azərbaycan kubokunun 1/4 final mərhələsinin cavab oyunundan sonra mətbuat konfransında deyib.

 

39 yaşlı mütəxəssis ilk matçdan sonra üstünlüyün komandasının tərəfində olduğunu bildirib: "Oyunu mərkəzdə aparmaq istəyirdik. İkinci hissədə rəqib sistemini dəyişdi və təhlükəli hücumları oldu. Biz də sistemi dəyişəndən sonra oyun düzəldi. Bu gün inamlı mübarizə aparıb, üstünlüyümüzü dəyərləndirmək bizim üçün çox vacib idi".

 

Finala çıxmaq şanslarını dəyərləndirən Sadıqov növbəti oyunadək hələ ay yarım olduğunu söyləyib: "Keşlə"nin yeni baş məşqçisi var. Bizi yarımfinalda çətin mübarizə gözləyir. Qarşıda çempionat oyunları var və hazırda diqqətimiz bundadır. Yarımfinal oyununadək komandaların durumuna görə planı quracağıq".

 

Baş məşqçi "Rəhbərliyin sizdən tam tələbi nədir: kiubok, yoxsa çempionat" sualına isə bu cür cavab verib: "Bizim üçün dəyişən bir şey yoxdur. Yolumuzu düz tutub, oyunumuzu yaxşılaşdırmalıyıq. Nə dərəcə alınacaq bilmirəm. İndidən nəyəsə aldanmaq olmaz. Qarşıda bizi ciddi sınaqlar gözləyir. Qış fasiləsindən sonra rəqiblərin performansları da dəyişir. Hər zaman məsuliyyətli olmuşuq. Hər oyuna tam məsuliyyətlə və formanın haqqını verməyə çıxırıq. Futbolda qələbə də olur, məğlubiyyət də. Əsas olan yolumuza davam edib, diqqətimizi itirməməkdir".(Report)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin