Argentina prezidenti Messinin təyyarəsini icarəyə götürdü

03:42 24 Fevral 2021

Argentinanın prezidenti Alberto Fernandes ölkənin milli komandasının və "Barselona"nın kapitanı Lionel Messinin şəxsi təyyarəsini icarəyə götürüb.

 

Sportarena.az xəbər verir ki, dövlət başçısı  Meksikanın müstəqilliyinin 200 illiyi ilə bağlı tədbirdə iştirak etmək üçün bu addımı atıb.  Alberto Fernandes  təyyarənin dörd günlük icarəsi üçün Messiyə 160 min dollar ödəyib. 

 

Bildirilir ki, 33 yaşlı oyunçunun təyyarəsi koronavirusun qarşısını almaq üçün bütün tibbi tələblərə cavab verdiyi üçün seçilib.

 

Qeyd edək ki, Messi sözügedən təyyarəni 2018-ci ildə 15 milyon dollara alıb.


Xəbər xətti