Ronaldonun yerə atdığı kapitanlıq sarğısı satıldı

Sportarena.az      3 Aprel 2021 , 13:06

Futbol üzrə Portuqaliya milli komandasının kapitanı Kristiano Ronaldonun Serbiya ilə oyunda yerə çırpdığı kapitanlıq sarğısı xeyriyyə auksionunda satılıb.

 

Sportarena.az xəbər verir ki, DÇ-2022-nin seçmə mərhələsi çərçivəsində baş tutan həmin oyunun (2:2) sonlarında Ronaldo, təmiz qolu sayılmadığı üçün hakimə etiraz əlaməti olaraq kapitanlıq sarğısını yerə çırpmışdı. Referi onu sərt etirazlarına görə sarı vərəqə ilə cəzalandırmışdı. Portuqaliyalı oyunçu da öz növbəsində matç bitməmiş meydançanı tərk edərək, paltardəyişmə otağına getmişdi.

 

Ronaldonun yerə atdığı kapitanlıq sarğısı oyunun keçirildiyi stadionun işçilərindən birinə - Corce Vukiçeviçə qismət olub. O, həmin sarğını götürərək internetdə auksiona çıxarıb və əldə olunacaq gəlirin onurğasında problem olan 6 aylıq serbiyalı körpənin – Qavril Curceviçin müalicəsinə sərf ediləcəyini bildirib. Sözügedən sarğı bu gün təxminən 64 min avroya (7 milyon 500 min Serbiya dinarı) satılıb. Uşağın müalicə xərci isə ümumilikdə 2.5 milyon avro təşkil edir. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin