Yeni ailə quran xanım idmançımız karyerasını bitirdi

Sportarena.az      7 Aprel 2021 , 13:00

Azərbaycanın daha bir güləşçisi karyerasını erkən başa vurub.

 

Sportarena.az xəbər verir ki, Avropa çempionatının, IV İslam Həmrəyliyi Oyunlarının və II Avropa Oyunlarının mükafatçısı olmuş Elmira Qəmbərova karyerasını bitirib.

 

Ailə həyatı quran idmançı 27 yaşında güləşi atıb. Onun son yarışı ötən ilin fevralında İtaliyanın paytaxtı Romada keçirilmiş Avropa çempionatı olub. 62 kq çəki dərəcəsində yarışan idmançı sonuncu dəfə ötən ilin martında Belarusun paytaxtı Minskdə təşkil olunmuş qadın millimizin təlim-məşq toplanışında iştirak edib.

 

Qeyd edək ki, Elmira Qəmbərova 2014-cü ildə gənclərin (gümüş), 2015-ci ildə U-23-lərin (bürünc) və 2019-cu ildə böyüklərin Avropa çempionatının (bürünc) mükafatçısıdır. O həmçinin 2017-ci ildə paytaxtımızda keçirilmiş İslamiadanın bürünc və 2019-cu ildə Belarusun paytaxtı Minskdə baş tutmuş Avropa Oyunlarının gümüş medallarını qazanıb.

 

Qeyd edək ki, daha əvvəl yunan-Roma güləşçiləri – Həsən Əliyev, Elvin Mürsəlizadə, sərbəst güləşçimiz Cəbrayıl Həsənovun karyerasını bitirdiyi məlum olub. (Oxu.az)

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin