"Neftçi"nin Çempionlar Liqasındakı ilk rəqibi məlum oldu - YENİLƏNİB

Sportarena.az      15 İyun 2021 , 15:11

Bu gün futbol üzrə UEFA Çempionlar Liqasında 1-ci təsnifat mərhələsinin püşkü atılıb.

 

Tədbir İsveçrənin Nyon şəhərindəki Avropa Futbol Evində təşkil olunub.

 

Püşkatmada Azərbaycan çempionu “Neftçi”nin də ilk rəqibi bəlli olb. Səpələnməmişlər sırasında yer alacaq paytaxt klubu 1-ci təsnifat mərhələsində “Lüdoqorets” (Bolqarıstan), “Şerif” (Moldova), “Dinamo” (Tiflis, Gürcüstan) və ya “Kayrat”a (Qazaxıstan) rəqib ola bilərdi. Yekunda “Neftçi” Gürcüstan çempionuna rəqib olub. Hansı ki, sözügedən komandanı Bakı “İnter”inin (indiki “Keşlə”) sabiq baş məşqçisi Kaxaber Sxadadze çalışdırır. Azərbaycan çempionu ilk oyununu səfərdə, cavab görüşünü evdə keçirəcək.

 

Qeyd edək ki, 1-ci təsnifat mərhələsinin ilk oyunları iyulun 6-7-də, cavab görüşləri 13-14-də baş tutacaq.

 

İyunun 16-da “Neftçi”nin növbəti mümkün rəqibləri bəlli olacaq. Qaliblər üçün Çempionlar Liqasının, məğlublar üçün Konfrans Liqasının 2-ci təsnifat mərhələsinin püşkü atılacaq. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin