Qalmaqallı oyunla bağlı qərarlar açıqlandı

Sportarena.az      10 Sentyabr 2021 , 09:53

Fransa Futbol Federasiyası İntizam Komitəsi Liqa 1-in 3-cü turunda keçirilən qalmaqallı "Nitsa" - "Marsel" matçı ilə bağlı cəzaları açıqlayıb.

Sportarena.az xəbər verir ki, azarkeşləri meydana girərək rəqib futbolçularına hücum edən "Nitsa"nın aktivindən 2 xal silinib.

 

Bundan başqa, komanda qarşıdakı 3 ev oyununu neytral meydanda keçirəcək. Yarımçıq qalan matç daha sonra açıqlanacaq tarixdə neytral stadionda yenidən oynanılacaq. Qarşılaşmaya azarkeş buraxılmayacaq.

Dava zamanı fanatlara su şüşəsi atan qonaq komandanın yarımmüdafiəçisi Dmitri Payet 1, münaqişədə iştirak edən komanda yoldaşı Alvaro Qonsalesə 2 oyunluq cəza verilib. Rəqib azarkeşlərinə fiziki təzyiq göstərən "Marsel"in fizioterapevti Pablo Fernandes isə mövsümün sonunadək ölkə çempionatı ilə bağlı heç bir tədbirə qatıla bilməyəcək.

Xatırladaq ki, "Nitsa" - "Marsel" matçı zamanı yerli azarkeşlər qonaqların yarımmüdafiəçisi Dimitri Payetə butulka atıb. Payet butulkanı tribunaya geri atıb. Bundan qəzəblənən yerli azarkeşlər meydançaya giriblər. Nəticədə oyunçularla azarkeşlər arasında kütləvi dava baş verib. Davada "Marsel"in baş məşqçisi Xorxe Sampaoli də iştirak edib. Görüşün baş hakimi oyunu yarımçıq dayandırıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin