İtaliya yığmasının 37 matçlıq məğlubiyyətsizlik seriyası başa çatıb.
Sportarena.az xəbər verir ki, komanda Millətlər Liqasının yarımfinalında İspaniyaya 1:2 hesabı ilə uduzaraq uğurlu seriyanı başa çatdırıb.
İtaliya yığmasının 2018-ci ildən davam edən məğlubiyyətsiz oyunlar seriyası qırılıb. Komanda son dəfə 2018-ci ilin sentyabr ayının 10-da Millətlər Liqasında Portuqaliyaya uduzub – 0:1. İtaliya millisi bundan sonra keçirdiyi 37 görüşün 28-də qalib gəlib, 9-da isə heç-heçə edib. Ümulikdə 93 qol vuran yığma qapısında 12 top görüb.