Azərbaycan cüdoçuları Bakı “Böyük dəbilqə” turnirini 7 medalla başa vurdular

Sportarena.az      8 Noyabr 2021 , 10:03

Noyabrın 5-də Heydər Əliyev adına İdman Sarayında startı verilmiş cüdo üzrə Bakı "Böyük dəbilqə" turnirinə yekun vurulub.

 

Sportarena.az xəbər verir ki, Azərbaycan cüdoçusu Məmmədəli Mehdiyev yarışda əzmlə mübarizə apararaq finala vəsiqəni təmin edib. Doxsan kiloqram  çəki dərəcəsində çıxış edən idmançımız bu yolda ardıcıl olaraq Con Jayne (ABŞ), Goki Tajima (Yaponiya) və Luka Maysuradzeyə (Gürcüstan) qalib gəlib. Cüdoçumuz həlledici final qarşılaşmasında yaponiyalı  Kosuke Maşiyama ilə üz-üzə gəlib. Rəqibinə qızıl xal bölümündə cərimə xalları hesabına məğlub olan Məmmədəli  Mehdiyev gümüş medala layiq görülüb.

 

Bürünc medal uğrunda mübarizə aparan  cüdoçularımız Adil Kərimli (100 kq)  Onise Seneblidze  (Gürcüstan), Uşangi Kokauri (+100 kq) isə Sven Heynle (Almaniya) ilə qarşılaşıb. Rəqibinə ipponla qalib gələn Uşangi  Kokauri bürünc medal əldə edib. Adil Kərimli isə bürünc medal uğrunda qarşılaşmada  məğlubiyyətə uğrayıb və 5-ci olub.

 

Digər cüdoçularımz Ruslan Nəsirli, Kənan Abdullaxanlı (hər ikisi 100 kq), Hüseyn Məmmədov, CamalFeyziyev (hər ikisi +100 kq) ilk, Rüfət İsmayılov ilə Vüqar Talıbov (hər ikisi 90 kq) isə təsəlliverici mərhələdə  mübarizəni  dayandırıblar.

 

Xatırladaq ki, mötəbər turnirin ilk iki günündə cüdoçularımızdan Orxan Səfərov (66 kq) qızıl, İçinxorloo Muntsxedev (57 kq) gümüş, Rövşən Əliyev (60 kq), Hidayət Heydərov (73 kq) və Elcan Hacıyev (81 kq) isə bürünc medala sahib olublar.

 

Beləliklə, Azərbaycan millisi "Böyük dəbilqə" turnirinin 1 qızıl, 2 gümüş və 4 bürünc medalına sahib olub və ümumi komanda hesabında dördüncü pillədə qərarlaşıb.

 

Qeyd edək ki, Bakı “Böyük dəbilqə” turnirində 29 ölkədən 196 cüdoçu (129 kişi, 67 qadın) medallar uğrunda yarışıb. Azərbaycan turnirdə 33 cüdoçu (25 kişi, 8 qadın) ilə təmsil olunub.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin