Azərbaycan Premyer Liqasında XIII turun oyunları sükutla başlayacaq

18:42 30 Noyabr 2021

Futbol üzrə Azərbaycan Premyer Liqasının XIII turunun oyunlarında bu gün təlim uçuşları zamanı helikopter qəzasında dünyasını dəyişən hərbçilərin xatirəsi anılacaq.

 

Sportarena.az xəbər verir ki, Peşəkar Futbol Liqasının (PFL) Texniki-idman şöbəsinin rəisi Elgiz Abbasovun "Report"a verdiyi məlumata görə, yüksək liqa matçları ilə yanaşı, I Divizionunun sabah keçiriləcək 3 görüşündə də 1 dəqiqəlik sükut elan olunacaq.

 

"Bu gün təlim uçuşları zamanı helikopter qəzasında dünyasını dəyişən hərbçilərimizin ailələrinə və xalqımıza dərin hüznlə baş sağlığı veririk", - PFL rəsmisi bildirib.

 

Hadisə nəticəsində 14 nəfər həlak olub, 2 nəfər xəsarət alıb.

 

Qeyd edək ki, XIII turun oyunları 4 - 5 dekabrda gerçəkləşəcək.


Xəbər xətti