Türkiyə Kubokunda maraqlı hadisə: Hücumçu 2 dəfə qapıya keçdi

Sportarena.az      3 Dekabr 2021 , 11:26

Futbol üzrə Türkiyə Kubokunun 4-cü mərhələsində maraqlı hadisə yaşanıb.

 

Sportarena.az xəbər verir ki, "Hatayspor" - "Eyüpspor" matçında meydan sahiblərinin hücumçusu Mame Diuf iki dəfə qapıya keçib.

 

Qarşılaşmanın 90+4-cü dəqiqəsində "Hatayspor"un qapıçısı Abdullah Yigiter qırmızı vərəqə alaraq meydandan qovulub. Super Liqa klubu 5 dəyişiklikdən də istifadə etdiyi üçün hücumçu Mame Diuf qapını qoruyub.

 

Matç 1:1 hesablı bərabərliklə bitdiyi üçün əlavə vaxta ehtiyac duyulub. Burada əlavə dəyişikliklik hüququndan istifadə edən "Hatayspor"un baş məşqçisi Ömər Ərdoğan ikinci qapıçı Yavuz Buğra Boyarı meydana buraxıb. Lakin o da 120-ci dəqiqədə qırmızı vərəqə alaraq meydandan kənarlaşdırılıb. Bu dəfə də Mame Diuf qapıya keçib.

 

Penaltilər seriyasında isə "Hatayspor" daha dəqiq olaraq adını növbəti mərhələyə yazdırıb. Hataylıların ilk penaltisini də qapıçı funksiyasını yerinə yetirən Diuf vurub. O, zərbəni qola çevirməyi bacarıb.

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin