Azərbaycanın sərbəst güləşçisi Hacı Əliyev (65 kq) Türkiyənin Konya şəhərində keçirilən 5-ci İslam Həmrəyliyi Oyunlarında final görüşünə çıxıb.
O, Albaniya təmsilçisi Zəlimxan Abakarovla üz-üzə gəlib.
Rəqibini təmiz qələbə ilə məğlub edən Əliyev ardıcıl 2-ci dəfə İslamiadanın qalibi olub. Daha əvvəl o, Bakı-2017 4-cü İslam Həmrəyliyi Oyunlarında qızıl medal qazanmışdı.
Qadın güləşçimiz Mariya Stadnik (50 kq) də final görüşünə çıxıb. O, finalda özbəkistanlı Jasmina İmmayevaya 10:0 hesabı ilə qalib gələrək qızıl medal qazanıb.
Beləliklə, Stadnik karyerasında ikinci dəfə İslamiadanın qalibi olub. Daha əvvəl o, Bakı-2017 4-cü İslam Həmrəyliyi Oyunlarının qalibi olmuşdu.