London derbisindən sonra qalmaqal baş verib - VİDEO

Sportarena.az      15 Avqust 2022 , 11:30
Futbol üzrə İngiltərə Premyer Liqasının 2-ci turunun "Çelsi" – “Tottenhem” matçı (2:2) bu iki komandanın baş məşqçisi Tomas Tuhellə Antonio Konte arasındakı gərginliklə yaddaqalan oldu. Matçın gedişində də aralarında problem yaşanan mütəxəssislər final fitindən sonra bir-birinin əlini sıxarkən yenidən ara qarışıb.
 
Belə ki, Tuhel italiyalı çalışdırıcıya narazılıqlarını çatdırıb. Lakin Konte buna aqressiv reaksiya verib və insident böyüyüb. Nəticədə, hələ matçın gedişində sözləri çəp gələn baş məşqçilərin hər ikisinə qırmızı vərəqə göstərilib.
 
Matçdan sonra Tuhel Konte ilə yaşadığı insidentə aydınlıq gətirib:
 
“Mən bir-birimizin əlini sıxan zaman Kontenin gözlərinə baxmağı vacib saydım. Görünən budur ki, o, başqa cür düşünürmüş…
 
Bu gün yalnız bir komanda qələbəyə layiq idi ki, o da biz idik. Bu gün "Tottenhem"in futbolçularının - Pyer-Emil Höyberq və Rodriqo Bentankurun neçə dəfə qaydanı pozduğunu deyə bilmərəm. Nə vaxtdan futbol matçlarında rəqibin saçından dartmaq qayda pozuntusu sayılmır? Onlar belə hərəkəti özlərinə rəva görsələr də, buna görə heç nə deyən olmadı”.
 
Qeyd edək ki, ilk iki turdan sonra hər iki komandanın 4 xalı var. 
 
 
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin