"Qarabağ" çox güclü rəqibdir, əlimizdən gələni edəcəyik" - "Viktoriya"nın baş məşqçisi

Sportarena.az      16 Avqust 2022 , 20:27

"Ferentsvaroş"la oynamaq istədiyimizi ona görə demişdim ki, "Qarabağ" daha güclü rəqibdir. Yaxşı olardı ki, "Ferentsvaroş"la qarşılaşaq. Bilirik ki, burada hava da isti olacaq, "Qarabağ"ın azarkeşləri də çoxdur. Bunların hamısına hazırlaşıb gəlmişik".

Bu sözləri Çexiyanln "Viktoriya" klubunun baş məşqçisi Mixail Bilek Çempionlar Liqasının pley-off mərhələsinin "Qarabağ"la sabah Bakıda keçiriləcək oyunu üçün təşkil edilən mətbuat konfransında deyib.

O, Ağdam klubunu güclü rəqib adlandırıb: "Bilirik ki, stadion dolu olacaq. Çalışacağıq ki, oyuna konsentrasiya olaq. "Qarabağ" bura kimi gəldiyi yolda Polşa, İsveçrə və Macarıstan çempionunu sıradan çıxarıb. Biz də Çexiya çempionuyuq. Təbii ki, "Qarabağ" çox güclü rəqibdir. Əlimizdən gələni edəcəyik".

Baş məşqçi "Sabah müdafiədən oynayacaqsınız" sualını belə cavablandırıb: "Oyunun gedişatını, mövqeləri demək istəməzdim. Sabaha qədər fikirləşəcəyik ki, hansı oyunçu hansı mövqedə oynayacaq. Oyun vaxtı görəcəksiniz hər şeyi.

Mixail Bilke Çempionlar Liqasının qrup mərhələsinə vəsiqə qazanmaq istəyində olduqlarını qeyd edib: "Demək olar ki, biz bir addımlıqdayıq. Ona görə çalışacağıq ki, maksimumu edək. Çox uzun yol gəlmişik. Əlimizdən gələni edəcəyik ki, sabah qələbə qazanaq. Çalışacağıq ki, sabah qələbə qazanaq və evdə daha sığortalanmış olaq. Sabah bizi nəyin gözlədiyini bilmirik. Oyunda bilinəcək.

"Qarabağ"ın müdafiəsi güclüdür. Ona görə də biz tam bilmirik, əvvəlki sxemlə oynayacağıq ya, yox. Sabaha qədər hər şey daha dəqiq bilinəcək". 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin