İtaliyanın “Torino” klubu heyətini yeni futbolçu ilə gücləndirib. Turin təmsilçisi Niderlandın “Ayaks” klubunun müdafiəçisi Perr Sxursu transfer edib.
Bu barədə İtaliya klubunun rəsmi saytı məlumat yayıb. 22 yaşlı futbolçu ilə müqavilənin müddəti və digər detalları açıqlanmayıb. Lakin İtaliya mətbuatı “Torino”nun bu keçidə görə “Ayaks”a 9 milyon avro ödəyəcəyini yazıb.
Perr Sxurs Niderlandın “Fortuna Sittard” klubunun yetirməsidir. Niderlanddan olan mərkəz müdafiəçisi 2018-ci ildən “Ayaks”da çıxış edirdi. O, bu komandanın heyətində 95 oyun keçirib, 3 qol vurub, 4 məhsuldar ötürmə edib.