Misli Premyer Liqasının V turunda “Qarabağ”ı qəbul edən “Kəpəz” 0:1 hesabı ilə uduzub. Bu, Gəncə təmsilçisinin mövsümdə 5-ci məğlubiyyəti olub.
Sportarena.az PFL-in rəsmi saytına istinadən xəbər verir ki, qərblilər son 7 mövsümün antirekorduna imza atıb. Bu müddətdə “Kəpəz”dən başqa heç bir komanda ilk beş turu xalsız başa vurmayıb.
Bu taleyi yaşayan sonuncu komanda AZAL olub. Bakı təmsilçisi 2015/16 mövsümünün əvvəlində beş yenilgini sıralayıb.
“Kəpəz” də tarixinin ən uğursuz startına imza atıb. Qərblilər heç vaxt ilk 5 oyunda uduzmamışdı. 2012/13 mövsümünə 4 məğlubiyyətlə başlayan gəncəlilər beşinci görüşdə qələbə qazanmışdı.