Futbol üzrə Yunanıstan çempionatında 4-cü turun oyunları keçirilib. “Qarabağ”ın Avropa Liqasının qrup mərhələsindəki rəqiblərindən olan “Olimpiakos” da növbəti matçına çıxıb.
Pirey təmsilçisi doğma meydanda “Volos”la qarşılaşıb. İki qolun qeydə alındığı matçda tərəflər meydanı hərəyə 1 xalla tərk ediblər – 1:1. 29-cu dəqiqədə məğlub duruma düşən “Qarabağ”ın rəqibi yalnız 76-cı dəqiqədə bərabərlik qolunu vura bilib.
4 turdan sonra 8 xalı olan “Olimpiakos” 14 iştirakçı arasında 2-ci pillədə qərarlaşıb.
“Qarabağ” “Olimpiakos”a qarşı ilk matçını 6 oktyabrda səfərdə, ikinci oyununu isə 13 oktyabrda Bakıda keçirəcək.