"Qarabağ"ın futbolçusu Filip Ozobiç Avropa Liqasının qrup mərhələsinin 2-ci turunda "Nant"a 3:0 hesabı ilə qalib gəldikləri oyunu şərh edib.
O, jurnalistlərə açıqlamasında deyib:
"Yaxşı qələbə oldu. Amma nəzərə almaq lazımdır ki, bu, hələ qrupdakı ikinci oyunumuz idi. Qrupda daha 4 matçımız qalıb. Bu cür davam etməliyik. "Nant" böyük komandadır. Heyətində güclü futbolçular var. Rəqabətli liqada çıxış edirlər. Amma bu oyunda biz yaxşı futbol sərgilədik və layiqli qələbə qazandıq".