Cüdo üzrə milli komandamızın dünya çempionatı üçün heyəti məlum oldu

Sportarena.az      19 Sentyabr 2022 , 19:23

6-13 oktyabr 2022-ci ildə Özbəkistanın paytaxtı Daşkənd şəhərində böyüklər arasında Dünya çempionatı keçiriləcək.

Sportarena.az xəbər verir ki, beynəlxalq səviyyədə bu ilin cüdo üzrə ən mötəbər yarışı olan bu çempionatda Azərbaycanı 11 idmançı təmsil edəcək. Mundiala ümumilikdə 80-dən çox ölkədən 500-dən çox idmançı qatılacaq.

Cüdoçularımıza performans direktor Mark van der Ham, kişilərdən ibarət milli yığmanın baş məşqçisi Riçard Trautman, qadınlardan ibarət milli yığmanın baş məşqçisi Rəşad Məmmədov, böyük məşqçilər Mövlud Mirəliyev, Elçin İsmayılov və Mehman Əzizov, böyük performans analitik Zaur Babayev rəhbərlik edəcəklər.

Dünya çempionatında fərdi yarışlar 6-12 oktyabr tarixlərində, komanda yarışları isə 13 oktyabrda Daşkənddə yerləşən “Humo Arena”-da keçiriləcək. Fərdi yarışlarda təmsil olunacaq Azərbaycan milli yığmasının heyəti aşağıdakı kimidir:

Qadınlar

-48 kq.
Leyla Əliyeva

-52 kq.
Gültac Məmmədəliyeva

Kişilər

-60 kq.

Kəramət Hüseynov

-66 kq.
Orxan Səfərov
Yaşar Nəcəfov

-73 kq.
Rüstəm Orucov
Hidayət Heydərov

-81 kq.
Səid Mollayi

-90 kq.
Məmmədəli Mehdiyev

-100 kq.
Zelim Kotsoyev

+100 kq.
Uşanqi Kokauri

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin