Şakira Pike ilə ayrılığından danışdı: “Bəzən mənə elə gəlir ki, bunların hamısı pis yuxudur”

Sportarena.az      22 Sentyabr 2022 , 15:35

Kolumbiyalı müğənni Şakira “Barselona”nın müdafiəçisi Jerar Pike ilə yollarını ayırdıqdan sonra ilk dəfə mətbuata danışıb.

O qeyd edib ki, Pikedən ayrılması tək özü yox, övladları üçün də çətin olub:

“Mən situasiyanın onlara mümkün qədər az təsir etməsinə çalışıram, lakin bu, inanılmaz dərəcədə çətindir: uşaqlar valideynlərinin ayrılığını qəbul etməyə çalışırlar və bu onları çox əsəbiləşdirir. Bəzən mənə elə gəlir ki, bunların hamısı, sadəcə, pis yuxudur və mən nə vaxtsa oyanacağam. Övladlarımın ataları ilə münasibətini xüsusi və müqəddəs hesab edirdim, amma indi məyusam”.

45 yaşlı pop ulduz qeyd edib ki, Pikeyə görə karyerasını arxa plana keçirib:

“Onun futbol oynaması və kuboklar qazana bilməsi üçün İspaniyaya köçdüm – bu, sevgi adına bir fədakarlıq idi. Bunun sayəsində övladlarımın əsl anası oldum və mən onlarla inanılmaz bir bağ yaratdım. İndi bu bizə yardım olur və münasibətlərimizi qoruyub-saxlayır. Deyə biləcəyim tək şey budur”.

Qeyd edək ki, Jerar Pike və Şakira futbolçunun xəyanəti səbəbindən 11 illik münasibətlərinə son qoyublar. 

DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin