Azərbaycan Qran-Prisinin tarixi niyə dəyişdirilib?

Sportarena.az      23 Sentyabr 2022 , 17:17
Formula 1 üzrə 2023-cü il Azərbaycan qran-prisinin tarixinin dəyişdirilməsinin səbəbi bəlli olub. Bu barədə Beynəlxalq Avtomobil Federasiyasının (FIA) prezidenti Məhəmməd Bin Sulayem açıqlama verib.
 
O, yarış sayının çox olması və bunların "24 saat Le Man" marafonu ilə eyni tarixə təsadüf etməməsi üçün iyun ayında yalnız 2 qran-prinin keçirilməsinə qərar verildiyini bildirib: "Təqvimin tərtibi zamanı buna xüsusi diqqət yetirilib".
 
Bin Sulayemin sözlərinə görə, dünya çempionatında 24 yarışın yer alması avtoidmanın qlobal səviyyədə inkişafının və geniş auditoriya cəlb etməsinin sübutudur: "Təqvimə yeni yarışların əlavə olunması və ənənəvi qran-prilərin qorunub saxlanması FIA-nın bir daha "Formula 1"ə xüsusi diqqətinin göstəricisidir. Məmnunluq hissi ilə bildirirəm ki, daha böyük həyəcanla yarışın yeni erasına qədəm qoyuruq. Beynəlxalq Avtomobil Federasiyasının 2022-ci ildə qəbul etdiyi qaydalar bunun üçün geniş zəmin yaradacaq”.
 
Formula 1-in yeni mövsümü rekord sayda - 24 yarışla keçirilək. Azərbaycan qran-prisi 28-30 apreldə baş tutacaq. Bakıdakı yarışın vaxtı 3 ildən sonra yenidən dəyişdirilib. 
DİGƏR XƏBƏRLƏR
XƏBƏR LENTİ
ÇOX OXUNANLAR
SORĞU
Premyer Liqada mövsümün gedişindən razısınızmı?
 Razıyam
 Narazıyam
 Maraqlanmıram
ARXİV
 jQuery UI Datepicker - Display inline
Copyright © 2018 Sportarena.az
Sayt Five Agency tərəfdən hazırlanmışdır

Ən son idman xəbərlərini səhifəmizdən də izləyin