“Olimpiakos”un futbolçusu Pape Abu Sisse Yunanıstanda “Qarabağ”a 0:3 hesabı ilə uduzduqları UEFA Avropa Liqasının oyunundan sonra yerli azarkeşləri söyüb.
Fanatlar 27 yaşlı müdafiəçini 83-cü dəqiqədə əvəzləndiyi vaxt fitə basıblar.
Seneqallı oyunçu matç bitəndən sonra paltardəyişmə otağına gedərkən tribunada eşitdiklərinə reaksiya verib və bəzi tərəfdarları yunanca söyüb.
Pirey təmsilçisinin baş məşqçisi Miçel Qonsales Sissenin davranışına belə münasibət bildirib: “Futbolçu meydanda səhv edəndə bunu qəbul edə bilərsən, amma meydandan kənarda yox. Bu, lazımsız və qəbuledilməzdir”.