Bu gün Misli Premyer Liqasında 9-cu tura start verilib. Sportarena.az xəbər verir ki, ilk oyun günündə bir qarşılaşma keçirilib.
13 xalla 5-ci pillədə qərarlaşan "Zirə" 2 xalla sonuncu - 10-cu sırada yer alan "Şamaxı"nı qəbul edib. Zirəlilər növbəti xallarını, şamaxılılar isə ilk qələbəsini qazanmağa çalışıb. Yekunda meydan sahibləri tək qolla 3 xala sahib çıxıblar.
9-cu turun "Səbail" - "Sumqayıt", "Neftçi" - "Turan Tovuz" matçları oktyabrın 8-də, "Qəbələ" - "Qarabağ", "Sabah" - "Kəpəz" görüşləri isə oktyabrın 9-da keçiriləcək.
Misli Premyer Liqası
IX tur
7 oktyabr
“Zirə” – “Şamaxı” 1:0
Qol: D.Çantakias, 72.
Hakimlər: Vüqar Həsənli, Namik Hüseynov, Kamran Bayramov, Namiq Bəkirov.
Zirə İdman Kompleksinin stadionu.