Bu gün Almaniyanın Frankfurt şəhərində AÇ-2024-ün seçmə mərhələsinin püşkatma mərasimi keçirilib. “Festhalle” sərgi mərkəzində təşkil olunan tədbirdə Azərbaycan milli komandasının da rəqibləri müəyyənləşib. Mərasim Bakı vaxtı ilə saat 14:00-da başlayıb.
UEFA Millətlər Liqasının 2022/23 mövsümünün qrup mərhələsinin yekununa əsasən tərtib edilmiş reytinq cədvəlinə uyğun olaraq, Azərbaycan yığması 4-cü səbətdə yer alıb.
Püşkə əsasən, ölkələr 10 qrupa bölünüb. 3 qrupda 6, digər 7 qrupda isə 5 komanda mübarizə aparacaq. Millətlər Liqası səbətində olan 4 yığma 5 komandalı qruplarda yer alacaq və 6-cı səbətdəki ölkələr onlara rəqib olmayacaq.
Qruplarda ilk iki pilləni tutan milli komandalar birbaşa AÇ-2024-ün final mərhələsinə vəsiqə əldə edəcək. Qalan 3 vəsiqə isə seçmə mərhələdə öz qrupunda ilk iki pilləni tuta bilməyən, Millətlər Liqasında pley-off mərhələsinə vəsiqə qazanan 12 komanda arasında keçiriləcək oyunlarından sonra bəlli olacaq.
Almaniya ev sahibi kimi birbaşa final mərhələsinə vəsiqə qazanıb. Bundestim A qrupunda yer alan bütün komandalarla təqvimə uyğun olaraq ev-səfər prinsipi əsasında qarşılaşacaq. Rusiya isə diskvalifikasiya səbəbindən seçmə və əsas mərhələdən kənarda qalacaq.
A qrupu
İspaniya
Şotlandiya
Norveç
Gürcüstan
Kipr
B qrupu
Niderland
Fransa
İrlandiya
Yunanıstan
Cəbəllütariq
C qrupu
İtaliya
İngiltərə
Ukrayna
Şimali Makedoniya
Malta
D qrupu
Xorvatiya
Uels
Ermənistan
Türkiyə
Latviya
E qrupu
Polşa
Çexiya
Albaniya
Farer Adaları
Moldova
F qrupu
Belçika
Avstriya
İsveç
Azərbaycan
Estoniya
G qrupu
Macarıstan
Serbiya
Monteneqro
Bolqarıstan
Litva
H qrupu
Danimarka
Finlandiya
Sloveniya
Qazaxıstan
Şimali İrlandiya
San Marino
İ qrupu
İsveçrə
İsrail
Rumıniya
Kosova
Belarus
Andorra
J qrupu
Portuqaliya
Bosniya və Herseqovina
İslandiya
Lüksemburq
Slovakiya
Lixtenşteyn