"Formula 1" üzrə Yaponiya Qran-prisi zamanı xoşagəlməz hadisələr baş verib. Yarış 3-cü dövrədə qırmızı bayraqla dayandırılıb.
Buna yağışlı hava üzündən baş verən qəzalar səbəb olub. Birinci dövrədə "Alpine" komandasından Fernando Alonso ilə "Aston Martin"in pilotu Sebastyan Fettel toqquşub, lakin hər ikisi yoluna davam edib. İdarəetməni itirərək qəzaya uğrayan "Ferrari"nin ispaniyalı pilotu Karlos Sayns isə mübarizəni dayandırıb.
Bundan başqa, yarışın keçirildiyi Suzuka trasına traktor daxil olub. Bu isə iştirakçıların narazılığı ilə qarşılanıb. (Report)