Xorvatiya çempionatında 15-ci turun oyunları keçirilib. Azərbaycan millisinin hücumçusu Mahir Emrelinin formasını geyindiyi Zaqreb “Dinamo”su da növbəti matçına çıxıb.
Sözügedən kollektiv səfərdə “Osiyek”lə qarşılaşıb. Futbolçumuzun komandası bu oyundan məğlubiyyətlə ayrılıb - 0:1. Bu, Zaqreb təmsilçisinin cari mövsümdəki ilk məğlubiyyətidir.
Mahir də bu görüşün iştirakçısı olub. O, 70-ci dəqiqədə meydana buraxılıb.
Məğlubiyyətə baxmayaraq, “Dinamo” 15 turdan sonra 35 xalla zirvədə qərarlaşıb.