Avropa Liqasının qrup mərhələsinin 6-cı turunda keçiriləcək "Qarabağ" - "Frayburq" görüşünün hakim təyinatları açıqlanıb.
Sportarena.az xəbər verir ki, matçı Belarusdan olan hakimlər briqadası idarə edəcək.
Baş hakim Aleksey Kulbakov olacaq. Ona yan xətt hakimləri qismində Dmitri Juk və Aleh Maslianka köməklik göstərəcəklər. Dördüncü hakim funksiyasını isə Dmitry Dmitryiev yerinə yetirəcək.
Noyabrın 3-ü Tofiq Bəhramov adına Respublika Stadionunda keçiriləcək qarşılaşma saat 21:45-də start götürəcək.